काठमाडौं । सरकारले अतिक्रमित जग्गा आफू माताहत ल्याउने अभियानलाई तीब्रता दिइरहेका बेला मन्दिर र गुम्बामा समेत डोजर चलाएको छ । बुद्ध जयन्तीकै दिन सरकारले काठमाडौंको बल्खुस्थित सुकुम्बासी बस्तीभित्र रहेको साङ्गे छोइलिङ्ग गुम्बा र पाथीभरा देवीको मन्दिरमा डोजर चलाएको हो ।

सार्वजनिक जग्गा अतिक्रमण गरी निर्माण गरिएका संरचना हटाउने क्रममा गुम्बा र मन्दिर दुवै भत्काइएको छ । काठमाडौं महानगरपालिकाले डोजर चलाउनुअघि त्यहाँ रहेका बुद्धमूर्ति तथा अन्य महत्त्वपूर्ण सामग्री बाहिर निकालिएको थियो ।

२०७८ साल कात्तिक १३ गते दर्ता भएको साङ्गे छोइलिङ्ग गुम्बा शुक्रबार भत्काइएको हो ।